മേപ്പടിയാൻ വിശേഷങ്ങളുമായി മലയാളികളുടെ പ്രിയ താരം ഉണ്ണി മുകുന്ദൻ

മലയാള സിനിമയുടെ ഇഷ്ട യുവനടനാണ് യുവതാരം ഉണ്ണി മുകുന്ദൻ. നിരവധി ശക്തമായ കഥാപാത്രങ്ങളിലൂടെ പ്രേഷകരുടെ ഇഷ്ട നടനായി മാറാൻ ഉണ്ണി മുകുന്ദനു അധിക സമയം വേണ്ടി വന്നില്ല. മലയാളത്തിൽ മാത്രമല്ല തമിഴിൽ വരെ തന്റെ സാനിധ്യം അറിയിക്കാൻ ഉണ്ണി മുകുന്ദനു ചുരുങ്ങിയ സമയം കൊണ്ട് സാധിച്ചു. ഇന്ന് മലയാള സിനിമയിൽ തിരക്കേറിയ നായകന്മാരിൽ ഒരാളായി മാറി കഴിഞ്ഞിരിക്കുകയാണ്. താരത്തിന്റെ ഏറ്റവും പുതിയ സിനിമയായ മേപ്പടിയാൻ എന്ന ചിത്രത്തിന്റെ വിശേഷം ഫേസ്ബുക്കിൽ പങ്കുവെച്ച് രംഗത്ത് എത്തിയിരിക്കുകയാണ്.

കുറുപ്പിൽ ഉണ്ണി മുകുന്ദൻ പൂർണ വിവരം ഇങ്ങനെ ” മൂന്ന് വർഷത്തെ ഇടവേളയ്ക്ക് ശേഷമാണ് ഞാൻ നായകനായി മേപ്പടിയാൻ എന്ന ചലചിത്രത്തിൽ വേൾഡ് വൈഡ് റിലീസായി നിങ്ങളുടെ മുമ്പിൽ എത്താൻ പോകുന്നത്. അനിവാര്യമായ ഇടവേളയായിരുന്നു ഈ മൂന്ന് വർഷം എന്ന് ഞാൻ വിശ്വസിക്കുന്നു. നിങ്ങൾ എന്നെ കാണാൻ ആഗ്രഹിക്കുന്ന കഥാപാത്രത്തിനും സിനിമയ്ക്കും വേണ്ടിയായിരുന്നു ഇത്ര നാൾ ഞാൻ ഇടവേള എടുത്തിരുന്നത്. എന്നാൽ എന്റെ ഈ കാത്തിരിപ്പ് പൂർണ രീതിയിൽ വിജയിച്ചു എന്നതിൽ ഞാൻ വിശ്വസിക്കുന്നു.

ഇനി എന്നെ വിലയിരുത്തുന്ന പ്രേഷകരായ നിങ്ങളാണ് തീരുമാനിക്കേണ്ടത്. ഈ ചിത്രം എന്റെ ആദ്യ നിർമ്മാണ സംരഭമായത് കൊണ്ട് തന്നെ ഇരട്ടി മധുരമാണ് എനിക്ക് ഇപ്പോൾ ലഭിക്കുന്നത്. പുതുസംവിധായകനായ വിഷ്ണു തന്നെയാണ് സംവിധാനവും തിരക്കഥയും കൈകാര്യം ചെയ്തിരിക്കുന്നത്. മേപ്പടിയാൻ എന്ന കൊച്ചു കുടുബ സിനിമയുടെ റിലീസ് തീയതി നാളെ ഒമ്പത് മണിക്ക് മോഹൻലാൽ തന്നെ നിർവഹിക്കുന്നതാണ്. കൂടാതെ ഞാൻ പാടിയ ഒരു ഗാനവും നിങ്ങൾക്ക് സമർപ്പിക്കുന്നു” എന്ന വാക്കുകളോടെയാണ് ഉണ്ണി മുകുന്ദൻ ഫേസ്ബുക്കിൽ കുറിച്ചത്.

എന്തായാലും മൂന്ന് വർഷത്തെ കാത്തിരിപ്പിനു ശേഷമാണ് മലയാളി പ്രേഷകരും ഉണ്ണി മുകുന്ദന്റെ സിനിമയ്ക്ക് കാത്തിരിക്കുന്നത്. കഴിഞ്ഞ ദിവസങ്ങളായി യൂട്യൂബിൽ അണിയറ പ്രവർത്തകർ റിലീസ് ചെയ്ത ഗാനങ്ങളും ട്രൈലെറും ടീസറുമെല്ലാം സോഷ്യൽ മീഡിയയിൽ വൻ ഹിറ്റായി മാറിയിരുന്നു. സ്റ്റൈൽ, മല്ലുസിംഗ്, വിക്രമാദിത്യൻ സാമ്രാജ്യം രണ്ടാം ഭാഗം : സൺ ഓഫ് അലക്സാണ്ടർ തമിഴ് സിനിമയായ ജനത ഗ്യാരജ് തുടങ്ങിയ ചലചിത്രങ്ങലാണ് ഉണ്ണി മുകുന്ദന്റെ പ്രധാന സിനിമകൾ